Memories of Underdevelopment

MEMORIES OF A LOST SHARK + a dangos ffilm am ddim MEMORIES OF UNDERDEVELOPMENT  (15)

Gyda chyflwyniad gan James Clifford Kent

Mae’r tocynnau AM DDIM ond mae’n rhaid eu harchebu a’u casglu o Theatr Colwyn (www.theatrcolwyn.co.uk) (01492 577888/872000 )

Gwnaed MEMORIES OF UNDERDEVELOPMENT ar ôl Chwyldro Castro ac yn ôl nifer, dyma’r ffilm oriau erioed i gael ei gwneud yng Nghiwba.  Mae’r prif gymeriad, Sergio yn aros yng Nghiwba tra bo’i deulu yn ffoi i’r UDA yn sgil goresgyniad Bae’r Moch. Er bod y wladwriaeth wedi cymryd rheolaeth o’i fusnes creu dodrefn, mae ganddo incwm yn dod mewn gan ei fod yn landlord ar nifer o fflatiau. O ffenestri’r fflatiau yma, gyda thelesgop, neu o strydoedd Havana, y mae o’n treulio ei amser yn gwylio pobl, yn sylwi ar y newidiadau mewn pobl a chymdeithas a ddaw yn sgil y Chwyldro. “Those in favour cherish it as a landmark that avoids almost all of the radical cliches.” THE GUARDIAN

Adolygiad IMDB

Mae’r ffilm yma o Ciwba yn cael ei dangos i gyd-fynd â lansiad arddangosfa ffotograffig newydd gan James Clifford Kent– MEMORIES OF A LOST SHARK -  yn Oriel Colwyn (wedi’i leoli ar lawr uchaf Theatr Colwyn) gyda thestun gan Edmundo Desnoes (a ysgrifennodd y nofel y mae’r ffilm wedi’i seilio arni hefyd).

Cyfres newydd o 18 o ffotograffau du a gwyn a thestun ydi MEMORIES OF A LOST SHARK  – dull o ymgysylltu sydd yn galluogi i luniau fod mod anwadal â hanes Ciwba.

Ffotograffau: Mae James Clifford Kent (Llundain, Lloegr, 1983) yn ffotograffydd dogfen annibynnol a darlithydd diwylliant gweledol.  Wedi’i eni yn Llundain ond â chysylltiadau â Chymru, mae ei hunaniaeth Llundain a Chymreig yn dylanwadu ar ei waith ffotograffig i’r un graddau.

Testun:  Mae Edmundo Desnoes (Havana, Ciwba, 1930) yn awdur ac adolygydd enwog o Giwba.   Mae wedi cyhoeddi’n eang ar y celfyddydau ac ef yw awdur nofel Memorias del subdesarrollo (Memories of Underdevelopment).  Cafodd ei addasu mewn i un o’r ffilmiau Lladin Americanaidd mwyaf dylanwadol erioed gan y gwneuthurwr ffilmiau o Giwba Tomás Gutiérrez Alea yn 1968. Mae wedi byw yn ninas Efrog Newydd ers 1979.

Mae Oriel Colwyn yn falch o gefnogi James ac Edmundo drwy ddangos y ffilm yma a’r gwaith cyffrous.