Dewi Lewis

Sefydlodd Dewi Lewis ei gwmni cyhoeddi ym 1994. Yn rhyngwladol adnabyddus, ymysg ei awduron mae ffotograffwyr fel Martin Parr, Bruce Gilden, Pentti Sammallahti, Paolo Pellegrin, Sergio Larrain ac Anders Petersen yn ogystal â nifer o ffotograffwyr iau sy’n codi i amlygrwydd. Roedd yn un o sylfaenwyr Gwobr Cyhoeddwyr Ewrop ar gyfer Ffotograffiaeth a fu’n mynd tan 2016, gan gydweithio’n agos â nifer o gyhoeddwyr eraill o Ewrop.

Yn Gymrawd er Anrhydedd i’r Gymdeithas Ffotograffiaeth Frenhinol, fo oedd enillydd gwobr gyntaf y Gymdeithas honno am Wasanaeth Rhagorol i Ffotograffiaeth a chyflwynodd Sefydliad Kraszna-Krausz wobr Cyfraniad Rhagorol i Gyhoeddi iddo yng Ngwobrau Ffotograffiaeth y Byd Sony. Mae Dewi Lewis Publishing wedi ennill gwobr PHotoEspaña am Gwmni Cyhoeddi Rhagorol y Flwyddyn ac mae ei deitlau wedi ennill nifer o wobrau gan gynnwys Gwobr Llyfr Ffotograffau Aperture/Paris Photo a Gwobr Llyfr Rencontres d’Arles.

Mae wedi bod yn feirniad mewn sawl cystadleuaeth fawr ac yn adolygwr portffolios mewn digwyddiadau ffotograffiaeth rhyngwladol dirifedi. Am dair blynedd, roedd yn ‘Feistr’ ar gyfer Dosbarthiadau Meistr Joop Swart World Press Photo. Yn ogystal â’i lyfr ei hun, Publishing Photography, mae’n ysgrifennu testunau achlysurol ar ffotograffiaeth ac mae wedi curadu arddangosfeydd sy’n cynnwys sioe arolwg o’r cylchgrawn poblogaidd yn y DU, Picture Post, ar gyfer Gŵyl Atri yn yr Eidal.