Northern Eye Photography Festival 2025
Dydd Sadwrn 4 / Dydd Sul 5 Hydref
Siaradwr - MARGARET MITCHELL
Mae Margaret Mitchell yn ffotograffydd dogfennol o’r Alban ac mae ei gwaith yn amrywio o archwilio cymunedau a byd plant i brosiectau ar yr unigolyn a chymdeithas. Gan bontio tirluniau seicolegol a phryderon cymdeithasol, mae ei gwaith yn archwilio cywreinrwydd a chymhlethdodau bywydau pobl gyda phwyslais arbennig ar le a pherthyn.
Mae cyrff diweddar o waith yn cynnwys An Ordinary Eden, sy’n ystyried yr angen cyffredinol i berthyn, gosod gwreiddiau, a bod yn gysylltiedig â phobl a lle, trwy brofiadau’r bobl hynny sy’n cael eu heffeithio gan ansicrwydd tai.
Mae ei chyfres As the Day Closes yn archwilio diwedd oes trwy gyfarfyddiadau tawel, personol a manwl gyda phobl sy'n byw â salwch terfynol.
From the series ‘As the Day Closes’ ©Margaret Mitchell
Mae ei gwaith parhaus A Gentle Awareness yn fyfyrdod ar sut yr ydym yn cael ein siapio gan yr hyn yr ydym yn perthyn iddo a ble yr ydym yn perthyn iddo, a sut mae’r gofodau yr ydym yn byw ynddyn nhw’n dod yn rhan ohonom, cymaint ag yr ydym ni’n rhan ohonyn nhw.
Mae wedi cael cydnabyddiaeth gan Wobr FotoReportage Marilyn Stafford (2022 a 2024), Gwobrau Ffotograffiaeth y Byd Sony (2018), a'r Gymdeithas Ffotograffiaeth Frenhinol IPE (2017). Mae hi wedi arddangos ei gwaith yn eang gan gynnwys yn yr Oriel Bortreadau Genedlaethol, Llundain, Oriel Bortreadau Genedlaethol yr Alban yng Nghaeredin, a Street Level Photoworks, Glasgow.
From the series ‘A Gentle Awareness’ ©Margaret Mitchell
Mae ei chyfrol ‘Passage’ (Gwasg Bluecoat, 2021) yn myfyrio ar natur anfantais a braint mewn astudiaeth dros dair cenhedlaeth ac yn cynnwys y gyfres Family ac In This Place. Mae gwaith wedi'i gaffael ar gyfer casgliadau parhaol Orielau Cenedlaethol yr Alban, Sefydliad Martin Parr a Chasgliad Celf Prifysgol Stirling.
From the series 'An Ordinary Eden' ©Margaret Mitchell
Wedi’i lleoli yn Glasgow, cafodd Margaret ei chydnabod fel rhan o’r fenter Hundred Heroines, sy’n cydnabod menywod sydd wedi gwneud cyfraniad sylweddol i ymarfer ffotograffig. Mae hi hefyd yn aelod o Women Photograph a Document Scotland.
From the series ‘In This Place’ ©Margaret Mitchell
www.margaretmitchell.co.uk