PechaKucha – Cyfrol 2

Cynhaliwyd y Noson PechaKucha gyntaf yng Ngŵyl y Northern Eye fis Hydref ac roedd yn braf gweld amrywiaeth o gyflwynwyr a chael clywed am eu gwaith.

Rydym ni bellach yn falch o gyhoeddi ein hail Noson PechaKucha.

Be’ ydi PechaKucha?

Mae PechaKucha (sgwrsio mewn Japaneg) yn fformat adrodd stori syml lle’r ydych chi’n dangos 20 llun am 20 eiliad yr un. Mae’r lluniau’n newid yn awtomatig ac rydych chi’n siarad wrth iddyn nhw newid. Does dim modd aros ar lun na mynd yn ôl – mae gennych chi 6 munud a 40 eiliad i gyflwyno!

Mae’n gyflym, yn addysgiadol a, gorau oll, yn HWYL!

Wedi’u hysbrydoli gan eu hawch i “siarad llai, dangos mwy”, creodd Astrid Klein a Mark Dytham o Klein-Dytham Architecture, Tokyo, PechaKucha ym mis Chwefror 2003. Yn 2004 dechreuodd ddinasoedd yn Ewrop gynnal Nosweithiau PK, wedi’u dilyn gan gannoedd o rai eraill. Ers mis Ebrill 2019 mae Nosweithiau PechaKucha wedi’u cynnal mewn mwy na 1142 o ddinasoedd ar draws y byd, gyda mwy na 3 miliwn o bobl wedi bod yn bresennol ynddynt.

Rydym ni’n edrych ymlaen at gynnal nosweithiau PK rheolaidd ym Mae Colwyn yn 2020 – blwyddyn berffaith ar gyfer y fformat ‘20 delwedd x 20 eiliad’!

Cyfrol 2 Ffotograffau Arbennig Gogledd Cymru

I ddathlu ein harddangosfa newydd gan 'The North Wales Project' bydd cyfrol 2 yn cael ei chynnal yn Oriel Colwyn yr un noson ag agoriad yr arddangosfa.