Mae Jack Latham yn ffotograffydd wedi’i leoli yn y DU. Mae o wedi rhyddhau sawl llyfr ffotograffau, A Pink Flamingo (2015), Sugar Paper Theories (2016), Parliament of Owls (2019), Latent Bloom (2020) a Beggar’s Honey (2023).
Mae ei waith wedi ymddangos mewn nifer o sioeau unigol gan gynnwys Amgueddfa Ffotograffiaeth Reykjavik, Oriel TJ Boulting a’r Gymdeithas Ffotograffig Frenhinol. Cafodd Parliament of Owls ei arddangos yn Oriel Colwyn yn 2020.
Yn ‘Parliament of Owls’, mae Jack Latham yn archwilio’r effeithiau y gall gwagle gwybodaeth ei achosi.
Wedi’i guddio yng nghoedwigoedd cochwydden Monte Rio, gogledd Califfornia, mae Bohemian Grove, encil 2,700 erw sy’n perthyn i glwb arbennig o fonheddwyr o’r enw San Francisco Bohemian Club, a sefydlwyd yn 1872.
Bob haf, mae elit gwleidyddol a busnes yr UDA yn mynychu’r encil. Dan len o ddirgelwch, mae gweithgareddau’r gelli wedi dod yn destun damcaniaethau cynllwyn a sïon diri.
Mae gwaith diweddaraf Jack ‘Beggars Honey’ yn archwilio byd dirgel ffermydd clicio.
Mae ffermydd clicio yn weithrediadau rhithiol sy’n gyfrifol am chwyddo metrigau ymgysylltu cynnwys ar y cyfryngau cymdeithasol yn artiffisial, gan drin algorithmau gyda chanlyniadau difrifol – o ddylanwadu ar ymddygiad prynwyr i gyfaddawdu uniondeb prosesau democrataidd.
Mae prosiect Jack yn ceisio datgelu gweithrediadau mewnol ffermydd clicio am y tro cyntaf erioed. Drwy wrthgyferbynnu’r hud gyda’r dirgel, mae’n herio ein canfyddiad o’r tirlun digidol, ac yn ein hannog i gwestiynu dilysrwydd y cynnwys rydym yn ei weld bob dydd.
Mae prosiectau Latham hefyd wedi mynd yn eu blaenau i ennill sawl gwobr gan gynnwys gwobr Bar-Tur Photobook (2015), Gwobr Image Vevey – Heidi.News (2019) a Gwobr Ffotograffiaeth Cenedlaethol BJP (2019).
Phantom Patriot was the name taken by Richard McCaslin of Carson City, Nevada, who, on January 19, 2002, attempted an attack on the Bohemian Grove after viewing Alex Jones’ documentary. He was imprisoned in California for 8 years. He now resides in Nevada and has a super hero base in his backyard which he refers to as the ‘Protectorate Outpost’ – © Jack Latham
Crossroad at night, Oregon, 2012 ©Jack Latham
Mae TALK PHOTO yn ddigwyddiad cymdeithasol sy’n cael ei gynnal bob pythefnos yng ngofod arddangos Oriel Colwyn, lle mae siaradwyr gwadd yma YN BERSONOL i rannu cyflwyniadau a chipolwg i’w gwaith neu brosiectau, gyda chynulleidfa gyfeillgar, fach.
Mae’r sgyrsiau’n dechrau am 7pm (drysau’n agor am 6.30pm) ac mae tocynnau i’w cael ar sail y cyntaf i’r felin.
Os ydych yn gallu rhoi cyfraniad tuag at y sgyrsiau, yna dewiswch opsiwn cyfrannu, os gwelwch yn dda – bydd hyn o gymorth uniongyrchol i Oriel Colwyn a pharhad y digwyddiadau hyn yn y dyfodol.
Os yw’n well gennych beidio â rhoi cyfraniad, dewiswch yr opsiwn am docyn AM DDIM.
Gan nad oes llawer o le, byddwn yn cyfyngu nifer y bobl yn y gynulleidfa i 30, ac rydym yn falch o gynnig opsiwn AM DDIM er mwyn cael gwared ag unrhyw rwystrau ariannol rhag bod yn bresennol.