A Sense of Place

Mae’r arddangosfa hon yn rhan o brosiect hirdymor Jonathan yn dogfennu bywyd yn Norwy.

Mae rhan un, “Vigeland”, yn edrych ar y Vigelandsanlegget, sef cerflun unigryw a pharhaol sydd wedi’i leoli ym Mharc Frogner yn Oslo.

Mae Gustav Vigeland (1869-1943), a ddyluniodd fedal y Wobr Heddwch Nobel, yn bwysig iawn i hanes celf yn Norwy, er nad yw llawer yn gwybod amdano y tu allan i’r wlad. Bu i’w waith artistig helpu i hyrwyddo cerflunwaith yn ei famwlad.

Parc Vigeland yw’r parc cerfluniau mwyaf yn y byd a grëwyd gan un artist, gan arddangos dros 200 o gerfluniau efydd a gwenithfaen a adawyd i ddinas Oslo gan yr artist ei hun.

Mae ail ran yr arddangosfa hon yn canolbwyntio ar fywyd yn Oslo a rhanbarth Rogaland ar arfordir gorllewinol Norwy.

Jonathan Patrick Smith

Cafodd Smith ei eni yng Ngogledd Cymru ym 1965. Astudiodd Ffotograffiaeth a Dylunio yn Surrey ac yn fe aeth ymlaen i weithio fel ffotograffydd golygyddol llawrydd. Gan rannu ei amser rhwng Norwy a Chymru, mae bellach yn canolbwyntio ar gelfyddyd gain a ffotograffiaeth ddogfennol, gan gymryd ei ysbrydoliaeth o ddylunio graffeg a phaentiadau yn ogystal â mathau eraill o ffotograffiaeth.

Mae’n gweithio gyda golau naturiol, gan ddefnyddio un neu  ddwy lens hyd ffocal sefydlog, a thynnu lluniau o’i amgylchedd cyfagos yn aml: “rydw i’n ymddiddori mewn golau a ffurf, mae’r testun weithiau’n llai pwysig”.
Yn “Vigeland”, mae’r ffigyrau dynol yn ymddangos yn fyw, yn llawn emosiwn ac yn cyferbynnu â gaeaf oer Norwy sydd i’w weld yn y llun yma. Mae purdeb a diniweidrwydd yma, gan ddangos ochr wahanol i gerfluniau Gustav Vigeland o’r ffurf ddynol sydd yn aml yn ddadleuol.