Behind The Boosh

Mae The Mighty Boosh yn rhaglen gomedi Brydeinig sydd wedi ennill gwobrau. Crëwyd y rhaglen gan y comediwyr Noel Fielding a Julian Barratt.  Roedd hefyd yn cynnwys y canlynol fel aelodau rheolaidd o’r cast, Rich Fulcher, Michael Fielding a Dave Brown.

Wedi’i ddatblygu o 3 sioe lwyfan a berfformiwyd yn yr Ŵyl Gomedi yng Nghaeredin a Melbourne, ers hynny mae The Boosh wedi cynhyrchu cyfres radio 6 pennod, 3 cyfres deledu (cyfanswm o 20 pennod) ar gyfer y BBC, sydd wedi’u darlledu ledled y byd a 2 daith fyw yn y DU lle gwerthwyd pob tocyn, ynghyd â pherfformio sioeau byw yn yr Unol Daleithiau ac Awstralia.

Mae Dave Brown wedi bod yn rhan o The Mighty Boosh o’r cychwyn cyntaf ar ddiwedd y 90au.  Dros y blynyddoedd, mae wedi cyfranogi at sawl agwedd o’r sioe o ddylunio’r DVDs, llyfrau a deunyddiau i goreograffi, cerddoriaeth a chwarae rhan nifer o gymeriadau yn y sioe ei hun, yn enwedig y Gorila enwog, Bollo.

Mae Dave hefyd wedi bod â chamera yn ei law ers diwrnod cyntaf y sioe.  Mae’r ffotograffau hyn o’i gyd actorion a ffrindiau da yn dangos cyfnod o 12 mlynedd.  Ffotograffau o’r gigs byw cynnar, ffilmio’r cyfresi teledu a thu ôl i’r llen ar daith.  Maent yn darparu mewnwelediad unigryw i fywydau a chymeriadau The Mighty Boosh.

Mae Dave ar ei ben ei hun yn ei ddogfennaeth ffotograffig o’r sioe.  Mae wedi lleihau ei archif helaeth i 46 o’i ffefrynnau personol, ac mae nifer ohonynt yn cael eu dangos am y tro cyntaf, ar daith fel arddangosfa.

Mae printiau cyfyngedig wedi’u llofnodi o’r sioe ar gael drwy anfon e-bost at dave@apeinc.co.uk