FDA Exhibition 2

Gan ymestyn ein cefnogaeth i addysg barhaus ffotograffiaeth, mae Oriel Colwyn yn falch o gyflwyno unwaith eto eleni, yr ail o dair sioe blwyddyn olaf y cwrs gradd gan fyfyrwyr ffotograffiaeth Coleg Llandrillo.

Bydd pob arddangosfa fer yn arddangos ffotograffwyr presennol sy’n dod i’r amlwg.

Mae’r ail arddangosfa yn cynnwys gwaith:

Tesni McCall

Mae Tesni McCall yn fyfyriwr blwyddyn olaf sy’n astudio Gradd Sylfaen mewn ffotograffiaeth yng Ngholeg Llandrillo. Mae hi’n arbenigo mewn ffotograffiaeth o dan y dŵr a phortreadau. Mae’r portreadau yn ddelweddau o reslwyr cyn ac ar ôl eu gornestau. Mae ei darn diweddaraf o waith yn gyfres o ddelweddau o dan y dŵr, gan wireddu un o freuddwydion ei phlentyndod, sef bod yn fôr-forwyn.

Nia Lauren Jones

Mae Nia Lauren Jones yn fyfyriwr blwyddyn olaf sy’n astudio Gradd Sylfaen mewn ffotograffiaeth yng Ngholeg Llandrillo. Mae hi’n arbenigo mewn portreadau a ffotograffiaeth ffasiwn, gan ddefnyddio gwahanol dechnegau sy’n cynnwys gwallt a cholur a gwahanol bropiau. Mae’r gwaith sydd ar ddangos wedi’i ddylanwadu gan emosiynau drwy ddefnyddio technegau gwallt a cholur mewn saethiadau harddwch. Mae’r emosiynau hyn yn agos at ei chalon oherwydd ei bod hi wedi profi bob un wrth iddi fynd ar ei thaith i gyrraedd lle mae hi rŵan.

Danielle Anderton

Mae Danielle Anderton yn fyfyriwr blwyddyn olaf sy’n astudio Gradd Sylfaen mewn ffotograffiaeth yng Ngholeg Llandrillo. Mae hi’n arbenigo mewn tirluniau a ffotograffiaeth natur gan ddefnyddio amrywiaeth o dechnegau – o gamera twll pin tun Quality Street, camera twll pin ffilm 5x4 a thechnoleg ddigidol. Mae’r gwaith wedi’i greu yn defnyddio camera twll pin ffilm 5x4 a thun coffi. Maen nhw’n lluniau o wahanol lefydd o gwmpas y Sŵ Fynydd Gymreig. Ar ôl edrych ar ei delweddau gyda’i gilydd gwelodd fod dyfyniad o Winnie-the-Pooh yn eu crynhoi – “Some people talk to animals. Not many listen though. That’s the problem.”