FdA Exhibition 2019

Ar ddechrau pob blwyddyn, mae Oriel Colwyn yn cymryd y cyfle i gefnogi ac arddangos arddangosfa grŵp myfyrwyr ail flwyddyn sy’n cwblhau cwrs Ffotograffiaeth FdA Coleg Llandrillo.

Eleni rydym ni’n cyflwyno gwaith:

Melody Fish

© Melody Fish

Andrew Haig

“Rwy’n ffotograffydd portreadau 21 oed yng ngogledd Cymru, ac rwy’n astudio Gradd Sylfaen mewn Ffotograffiaeth ar hyn o bryd.  Rwyf bob amser wedi bod ag agwedd eithaf clinigol tuag at bortreadaeth, rwy’n canolbwyntio ar y manylion bychain ac yn ystyried estheteg fy ngwaith, mae’r arddull hon yn gweithio i mi.  Rwy’n hoff o greu ymdeimlad o realaeth yn fy lluniau yn ogystal â chreu thema sinematig, credaf fod y cyfuniad hwn yn galluogi’r gynulleidfa i greu eu stori a’u cyd-destun eu hunain.”

© Andrew Haig

Stewart Cutting

Mae ffotograffiaeth wastad wedi bod yn ddihangfa greadigol i mi.  Nid wyf erioed wedi cael fy nenu at un math penodol o ffotograffiaeth, ac felly mae fy lluniau’n amrywiol iawn.  Drwy astudiaethau ac aseiniadau, rwyf wedi disgyn mewn cariad â chyhoeddi ac wedi dod o hyd i ffordd o gyfuno fy lluniau a rhoi pwrpas iddynt.

© Stewart Cutting

Mair Thomas

Mae Mair Thomas yn lleol i Landudno ac mae ei harddangosfa’n dogfennu datblygiad hen adeilad Weekly News/ Daily Post a Crossville, teimla Mair ei bod yn bwysig dogfennu dymchweliad y tirnodau eiconig hyn yn yr ardal er mwyn i genedlaethau’r dyfodol fedru mwynhau’r hyn a oedd yno gynt.  Roedd yr adeilad Daily Post gwreiddiol wedi bod yno ers dechrau’r 1970au felly roedd yn drist gweld y tirnodau hyn yn cael eu colli i ddatblygiadau newydd. Mae Mair wedi pasio’r adeilad lawer gwaith dros ei bywyd, ac mae hwn yn gyfle i bobl leol a chyn-weithwyr drafod yr hyn a oedd yno a hel atgofion o’r cyfnod a’r bensaernïaeth.

© Mair Thomas

David Williams

“Fy angerdd yw ffotograffiaeth nos a lluniau amlygiad hir.  Rwy’n caru tynnu lluniau yn y nos ac arbrofi i ddod â llun yn fyw.”

© David Williams

Hefyd yn cynnwys...

Olivia Carmichael

a

Bradlee Williams