Portrait Salon

Mae Oriel Colwyn yn falch o groesawu Portrait Salon i Gymru ym mis Ionawr 2015.

Mae Portrait Salon bellach yn ei bedwaredd flwyddyn. Am y tro cyntaf, byddant yn arddangos printiau sydd wedi'u cyflwyno a’u gwrthod gan Wobr Portreadau Ffotograffig Oriel Bortreadau Genedlaethol Taylor Wessing, mewn arddangosfa a fydd yn teithio'r DU.

Wrth lansio eu cyhoeddiad newydd a’u harddangosfa brintiau ar 6 Tachwedd yn Four Corners (Llundain), bydd yr arddangosfa brintiau yn teithio i’r lleoliadau canlynol:

• 6 Tachwedd – 11 Tachwedd: Four Corners, Llundain.
• 4 Rhagfyr – 3 Ionawr 2015: Fuse Art Space, Bradford.
• 9 Ionawr – 9 Chwefror: Oriel Colwyn, Gogledd Cymru.
• 19 Chwefror – 16 Ebrill: Prifysgol Napier, Caeredin.
• A lleoliadau i’w cadarnhau yn Birmingham a Bryste ar gyfer 2015.

Bu i ddetholwyr eleni, Christiane Monarchi (golygydd Photomonitor), Emma Taylor (Creative Advice Network) a’r ffotograffydd Martin Usbourne (Hoxton Mini Press) ddewis 70 portread o 1,184 o geisiadau.

Sefydlwyd Portrait Salon gan Carole Evans a James O Jenkins yn 2011 fel ymateb i Wobr Portreadau Taylor Wessing. Math o Salon des Refusés – arddangosfa o weithiau a wrthodwyd o sioe gelf rheithgor – a’i nod yw arddangos y gorau o’r delweddau a wrthodwyd o’r wobr, a drefnir yn flynyddol gan yr Oriel Bortreadau Genedlaethol.
NPG Taylor Wessing Portrait Prize yn un o wobrau ffotograffiaeth mwyaf mawreddog y byd, sy’n denu ymgeiswyr o blith gweithwyr proffesiynol ac amaturiaid fel ei gilydd. Eleni cyflwynwyd 4,193 o ddelweddau i’r wobr gan 1,793 o ffotograffwyr, a dewiswyd 60 i fod yn yr arddangosfa.

Nod Portrait Salon yw ceisio dangos y gorau o’r gweddill ar ffurf Salon des Refusés, traddodiad ymylol sydd â hanes hir o arddangos gwaith artistiaid a allai fynd heb ei weld fel arall..

Fyddai Portrait Salon ddim yn bod heb gefnogaeth ei noddwyr, sydd eleni’n cynnwys  METRO Imaging  //  Stanley’s Post  //  Lucid  //  HERO  //  Williamson Carson Ltd  //  Gripvan  //  Locate Productions  //  Creative Advice Network

Mae’n anrhydedd i Oriel Colwyn fod yn cynnal cymal Cymreig y daith brintiau genedlaethol hon ac edrychwn ymlaen at groesawu’r gwaith i Gymru.

© Tom Keen

© Marcin T Jocefiak

© Sophie Green

© Francesca Jones

© Dougie Wallace

© James Hobson

© Leonara Saunders