Cymdeithas Ffotograffig Frenhinol - Ffotograffydd Dogfenn...

Mae cystadleuaeth Ffotograffydd Dogfennol y Flwyddyn gan Gymdeithas Ffotograffig Frenhinol yn gystadleuaeth ryngwladol sy’n denu storïwyr gweledol eithriadol o bob cwr o’r byd. Mae ffotograffiaeth ddogfennol yn gyfrwng unigryw sydd yn cyfleu’r cyflwr dynol trwy eiliad mewn amser.  Meddai Cadeirydd y Grŵp Dogfennol: “Nod cystadleuaeth eleni yw bod yn fwy cynhwysol er mwyn cyrraedd mwy o bobl a’i wneud yn fwy perthnasol.  Credaf ein bod wedi cyflawni hynny a ninnau gyda dros 3500 o luniau o bob cwr o’r byd a phanel rhyngwladol o feirniaid.”

Er mai Pandemig Covid-19 sy’n cael ei weld fel digwyddiad mwyaf ein cyfnod mae’n bwysig adrodd straeon eraill hefyd. Mae’r gystadleuaeth yn cydnabod a dathlu gwaith y ffotograffwyr sydd wedi defnyddio ymagwedd bersonol unigryw i ddogfennu achosion cymdeithasol, meddygol, gwleidyddol ac amgylcheddol sy’n effeithio cymunedau ac unigolion.

Meddai’r Barnwr Roy Mehta, "Y peth cyntaf wnaeth fy nharo oedd y lefel o ymrwymiad amlwg gan yr artistiaid buddugol….  Mae David Collyer yn cynnig ffotonewyddiaduriaeth o reng flaen y GIG yn ystod y don gyntaf o Covid.”

©DAVID COLLYER 

"... Mae gwaith Debsuddah Banerjee’s a dynnwyd yn India yn edrych ar drafferthion seicolegol a wynebai ei fodryb hŷn ddi-briod sy’n arwain bywydau ynysig yn gymdeithasol ac yn wynebu rhagfarn oherwydd lliw eu croen.”   

©DEBSUDDH BANERJEE 

Aishwarya Arumbakkan yw enillydd cyntaf y Categori Myfyrwyr am ei gwaith ‘Ka Dingiei’. Lansiwyd y categori hwn eleni er mwyn annog ein cenhedlaeth nesaf o ffotograffwyr.  

©AISHWARYA ARUMBAKKAN

Mae’r arddangosfa ar daith yn cynnwys detholiad o waith gan ffotograffwyr buddugol a ffotograffwyr a ddaeth yn ail ac mae’r gwaith i’w weld yn Oriel Colwyn o ddydd Mawrth, 14 Mehefin i ddydd Mawrth 12 Gorffennaf. 

Fel yr arfer gellir mwynhau’r arddangosfa am ddim.  

DIGWYDDIAD AGORIADOL

DYDD SADWRN, 18 MEHEFIN - (6pm-9.30pm) 

I dynnu sylw at yr arddangosfa a’r gwaith ffotograffiaeth ddogfennol yn gyffredinol byddwn yn cynnal dau ddigwyddiad arbennig - un yn wythnos agoriadol yr arddangosfa ac un yn ystod yr wythnos olaf.

DYDD SADWRN 18 MEHEFIN

Rydym yn falch o drefnu noson sy’n arddangos dewis amrywiol o waith y ffotograffwyr buddugol a gwaith ffotograffwyr a gafodd eu canmol yn ogystal â sgwrs gan y ffotograffwyr am eu gwaith.   Bydd pob ffotograffydd yn siarad am 10 munud gyda sesiwn holi ac ateb am 10 munud wedi hynny.

• Cyflwyniad gan Harry Hall (Grŵp Dogfennol Cymdeithas Ffotograffig Frenhinol)

• Siaradwr 1 - David Collyer (mewn person) - 6.00pm - 6.20pm

• Siaradwr 2 - Debsuddha Banerjee (zoom yn fyw o India) - 6.20pm - 6.40pm

• Siaradwr 3 - Hari Katragadda (zoom yn fyw o India) - 6.40pm - 7pm

• Cyfle i edrych ar yr arddangosfa/ cymdeithasu - 7pm - 7.30pm

• Siaradwr 4 - Alexander Komenda (zoom yn fyw o’r Ffindir) - 7.30pm - 7.50pm

• Siaradwr 5 - Stefano Sbrulli (zoom neu yno mewn person - i’w gadarnhau) - 7.50pm - 8.10pm

• Siaradwr 6 - Neil Johansson - (mewn person) - 8.10pm - 8.30pm

• Siaradwr 7 - Gareth Jenkins - (mewn person) - 8.30pm - 8.50pm

• Cyfle i edrych ar yr arddangosfa/ cymdeithasu - 8.50pm - 9.30pm

• Digwyddiad yn dod i ben am 9.30pm