The Big Society

Dangosodd methiant cyfalafiaeth y farchnad rydd yn 2007 bod gwactod yng nghalon cymdeithas Prydain. Fel y datgeliad mawr yn y Wizard of Oz, pan dynnwyd y llen nid oedd unrhyw hud na dirgelwch.

Mae’r cysyniad bod dynoliaeth yn wasaidd i’r farchnad yn gysyniad mor fawr a hollgynhwysol mae’n ymddangos fel rhan o drefn natur. Mae’n dylanwadu ar bob agwedd o’n bywydau ac yn cyfryngu ein perthnasoedd gyda’n gilydd a chymdeithas yn ei chyfanrwydd. Mae’r ormes sy’n ganolog i’r athroniaeth yn anweledig hyd yn hyn ac felly yn mynd heb ei herio gan amlaf.

Mae’r cyhoedd sydd wedi’u cyfareddu gan y moethusrwydd a geir drwy fyd hollgynhwysol yn sylwi’n unig ar lygedyn o olau yn fflachio neu furmur ysgafn o dan eu soffa a wnaed yn Tsiena wrth i naratif economaidd pedwar can mlwydd oed ddymchwel, gan gipio nifer o’r mythau a oedd wedi dal y system at ei gilydd gyhyd.

Ond yn sownd o dan symudiad seismig yr ideolegau yn dymchwel mae pobl sy’n parhau i geisio canfod eu ffordd drwy’r llanast. Nid y rhai sy’n symud neu’n herio; ond y rhai sy’n goroesi grym y grymus; y gweithwyr siop sy’n cael eu gorfodi i ddawnsio ar gyfer eu cyflogwyr bob bore, yr osgowyr a’r milwyr, y lwcus a’r colledwyr.

Yr unigolion anhysbys sy’n destun system sy’n aflunio ac anffurfio canfyddiad a dealltwriaeth, heb wybod llawer am y darlun mawr heblaw y byddant yn ysgwyddo’r baich.

Y Gymdeithas Fawr - Si Barber