DYDD GWENER 29ain MEDI

7pm (drysau’n agor am 6.30pm)

Mae’r CLWB FFILM FFOTOGRAFFIAETH yn cynnal ffilm neu raglen ddogfen ffotograffiaeth bob tua 4-6 wythnos yn sinema fendigedig Theatr Colwyn

Gwyliwch ffilm seiliedig ar ffotograffiaeth, cwrdd â ffrindiau, gwneud ffrindiau a chael eich ysbrydoli!

Mae ein 11fed digwyddiad Clwb Ffilm Ffotograffiaeth DYDD GWENER 29ain MEDI at 7pm (drysau’n agor am 6.30pm) pryd y byddwn ni’n dangos y ffilm WHAT REMAINS: THE LIFE AND WORKS OF SALLY MANN (cert TBC).

Ac un peth arall, dyw e ddim yn glwb go iawn, fel ein henw ni……….does dim angen ymuno yn ffurfiol ac mae croeso i unrhyw un!

Photo Film Club #011

What Remains: The Life and Work of Sally Mann

– dir Steven Cantor  Cert(TBC)

DYDD GWENER 29ain MEDI 2023 at 7pm (doors 6.30pm)

Pris Tocynnau Ymlaen Llaw ar gyfer y dangosiad yw £6 (£8 ar y diwrnod)

Byddwn yn ceisio cadw prisiau tocynnau mor isel â phosibl fel eu bod yn fwy hygyrch. Os gallwch chi helpu ychydig, ystyriwch wneud cyfraniad ychwanegol bach i Oriel Colwyn wrth i chi dalu.

Fel un o ffotograffwyr amlycaf y byd, mae Sally Mann yn creu gwaith celf sy’n herio gwerthoedd ac agweddau moesol gwylwyr. Caiff ei disgrifio gan y cylchgrawn Time fel “ffotograffydd gorau America”. Daeth yn enwog yn rhyngwladol am y tro cyntaf yn 1992 gyda “Immediate Family”, cyfres o luniau cymhleth, llawn dirgelwch o’i phlant ei hun. Cafodd y gwaith hwn, a’r anghydfod yn ei sgil, ei gofnodi yn ffilm fer arobryn Steven Cantor, Blood Ties.

Mae WHAT REMAINS yn troi’n ôl at ddilyn gwaith arloesol newydd Mann: cyfres o ffotograffau sy’n ymwneud ag agweddau amrywiol ar farwolaeth a dadfeilio. Er nad yw Sally Mann yn un i gyfaddawdu, mae’n myfyrio ar ei theimladau personol tuag at farwolaeth wrth iddi barhau i archwilio ffiniau ffotograffiaeth gyfoes. Mae hi i’w gweld ar fferm ei theulu yn Virginia, gyda’i gŵr a’i phlant sydd wedi tyfu bellach o’i chwmpas, ac mae ei pharodrwydd i ddadlennu ei phroses artistig wrth iddi ddatblygu yn caniatáu i’r gwylwyr gael mynediad unigryw i’w byd.

Dros gyfnod o 5 mlynedd, mae WHAT REMAINS wedi rhoi mynediad agored i’r holl gamau sy’n perthyn i waith Mann, ac mae’n cynnig cipolwg prin ar artist huawdl ac arbennig.

Rydym ni’n cydnabod yn ddiolchgar gefnogaeth Ffilm Cymru Wales ar gyfer ein dangosiadau Clwb Ffilm Ffotograffiaeth rheolaidd.